Google ADS

Vritet një paqeruajtës i OKB-së në Kongo

17:19 | 9 Tetor 2017
Arbresh.info

Një paqeruajtës i OKB-së është vrarë pas një sulmi të rebelëve të ADF-së në Republikën Demokratike të Kongos.

Dymbëdhjetë persona gjithashtu janë plagosur në këtë sulm, transmeton portali arbresh.info. Ende nuk dihet kombësia e të vrarit.

“Një paqeruajtës është vrarë dhe 12 janë plagosur në një sulm mbi kampin MONUSCO këtë mëngjes”, ka thënë zëdhënësja e misionit të OKB-së në Kongo.

Një zëdhënës i ushtrisë DRC, Mak Hazukay, fajësoi sulmin ndaj rebelëve të ADF. Ai tha se që prej javës së kaluar rebelët e ADF-së kanë rifilluar sulmet ndaj bazave të ushtrisë dhe civilëve.

Rebelët e ADF-së filluan të luftonin në Ugandë në vitin 1990 kundër qeverisë së Presidentit Yoweri Museveni, por u arratisën në DRC, pasi u mundën nga ushtria e Ugandës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm